سبینا فاروق نے ’رشتے‘ کے لیے تصویر شیئر کردی
شوبز انڈسٹری کی معروف اداکارہ سبینا فاروق نے رشتے کے لیے تصویر شیئر کردی۔
فوٹو اور ویڈیو شیئرنگ ایپ انسٹاگرام پر اداکارہ سبینا فاروق نے سیاہ لباس میں خوبصورت تصویر شیئر کی جسے مداحوں کی جانب سے خوب سراہا جارہا ہے۔
سبینا فاروق نے لکھا کہ ’رشتہ پکچر، لیکن میں کسی کو تلاش نہیں کررہی۔
اداکارہ نے چند گھنٹوں قبل یہ تصویر شیئر کی جسے ہزاروں کی تعداد میں مداح دیکھ چکے ہیں اور اس پر تبصرے بھی کررہے ہیں۔مداحوں نے لکھا کہ آپ بہت پیاری لگ رہی ہیں۔‘ اداکارہ کے کیپشن پر ایک مداح نے لکھا کہ ’یہ بھی ٹھیک ہے۔‘ اس سے قبل انٹرویو میں سبینا فاروق نے کہا تھا کہ میرے پاس تو آپشن اتنے ہیں کہ سمجھ نہیں آتی کس سے شادی کرنی ہے۔
سبینا فاروق نے بتایا تھا کہ ان کا تعلق پنڈی سے ہے اور ڈرامہ انڈسٹری میں ان کا آڈیشن بہت ہی برا تھا۔ ان کا کہنا تھا کہ آڈیشن برا ہونے کے باوجود ڈائریکٹر نے پہچان لیا تھا کہ وہ مجھے کردار سمجھائیں گے تو میں کرلوں گی۔ سبینا فاروق کا کہنا تھا کہ ’گھر والے اداکاری کے راضی نہیں تھے میری بڑی بہن نے سپورٹ کیا اور والدین سے کہا کہ اسے جانے دیں جس کے بعد کراچی آگئی۔ اداکارہ کا کہنا تھا کہ بڑی بہن نے میرے لیے مار بھی کھائی ہے اور میری کامیابی کے پیچھے بہن کا ہاتھ ہے۔
