ویسٹ انڈیز اور آسٹریلیا کے درمیان کنگسٹن ٹیسٹ کی 4 اننگز میں صرف 1045 گیندیں پھینکی گئیں۔

یہ 1910 کے بعد 4 آل آؤٹ اننگز میں سب سے کم پھینکی جانے والی گیندیں ہیں۔

کنگسٹن ٹیسٹ میں دونوں ٹیموں کا کوئی بیٹر نصف سنچری بنانے میں بھی کامیاب نہ ہو سکا اور یہ کم از کم 2 مکمل اننگز والے ٹیسٹ میچز کی تاریخ میں 16 ویں مرتبہ ہوا ہے۔

اس سیریز میں 1888 کے بعد کم ترین زیادہ سے زیادہ انفردای اسکور کا ریکارڈ بھی قائم ہوا اور برینڈن کنگ نے 3 ٹیسٹ میچز کی سیریز میں زیادہ سے زیادہ 75 رنز بنائے۔

مچل اسٹارک نے 23 ویں مرتبہ ٹیسٹ کے پہلے اوور میں وکٹ لی جو ایک ریکارڈ ہے، اسٹارک نے دوسری اننگز کے پہلے اوورز میں ویسٹ انڈیز کے 3 کھلاڑیوں کو آؤٹ کیا۔

مچل اسٹارک نے اننگز میں تیز ترین 5 وکٹیں حاصل کرنے کا ریکارڈ قائم کیا، انہوں نے صرف 15 گیندوں پر 5 وکٹیں حاصل کیں جب کہ 100 ویں ٹیسٹ میں 400 وکٹیں بھی مکمل کیں۔